Sakman Karana Maluwa. සක්මන් කරන මළුව.

සුපුරුදු විදියට සතියක් ගෙවිලා තවත් සතියක උදාවත් එක්කම. පොඩි ප්‍රමාදයකුත් එක්ක මේ අරන් ආවේ මං කැමතිම ගීත දහය. අතීත ප්‍රේම වෘතාන්තයන් අදටත් අමරණීයයි, ඒ අතරින්, සාලිය අශෝකමාලා, දස්කොන් ප්‍රමිලා, නල දමයන්ති, ඒ වගේ කතාවන් ඒ අතරින් එක් ආදර කතාවක් වූ දස්කොන් ප්‍රමිලා ගැන ලියවුනු කතා සහ ගී, නාට්‍ය චිත්‍රපට බොහෝමයි. ඉතින් මේ ඒ ප්‍රේම කතාව ගැන ලියවුනු එක් ගීතයක්. තනිවුනු දස්කොන් සිතින් විඳවමින් ප්‍රමිලා සිහි කරද්දි ප්‍රමිලා මාලිගාවේ සිට පතන්නේ දස්කොන්ගේ සතුට. 

~~~~~~~~~~~~~~~~~~~~~~~~~~~~
සක්මන් කරන මළුව පාළුයි දේවී
මං විතරයි ඔබ කිසි දිනෙක නො එවී
ඉක්මන් ගමන් එපා පා පැකිලේවී
දස්කොන් සකිසඳ මා ඔබේ කුමාරී

සෙංකඩගල වට අල පවුරු වළල්ලේ
පෙම් ගී ගැයු ගී විහඟුන් හැපී වැටෙන්නේ...//
රන් තරු දැස පියන රෑ හඳපානේ
අත්තන මලක් වෙලා ඔබ ළඟ ඉන්නේ

සක්මන් කරන මළුව...

වාසල මිණි බැඳි දොර අරින වෙලාවේ
දෑසින් වැටෙන කඳුළු මට සිහි නොවුනේ....//
ඒ ආදරය ගියත් ඉක්මන් ගමනේ
මා තනි කරන්නෙපා මතු සංසාරේ

සක්මන් කරන මළුව...

~~~~~~~~~~~~~~~~~~~~~~~~~~~~
**ගායනය :- කරුණාරත්න දිවුල්ගනේ, සමිතා මුදුන්කො‍ටුව.**
**සංගීතය :- ගුණදාස කපුගේ.**
**පද රචනය :- රත්න ශ්‍රී විජේසිංහ.**
**රූප නිර්මාණය :- කසුන් නවරත්න.**

~_______________________________~
ලස්සනම ලස්සන ගීතවල පදවැල් ලබාගැනීම සඳහා අප හා එකතු වන්න..
ඔබට අවශ්‍ය ගීත අපට කියන්න...
www.facebook.com/kasun.images Like this page...!!
sinhalasonglyicskasun.blogspot.com Log this blog site
~_______________________________~

Hinehennata epa. හිනැහෙන්නට එපා.

ඇත්තටම ආදරය කරන දෙන්නෙක්, ළඟින් ඉන්න වෙලාවට ආදරය දැනෙන වෙලාවට මෙහෙම හිතෙනවා නේද.. ඇත්තටම එහෙම කාටත් ආදරය ඇත්තටම කරන හිතකට දැනෙන සිතුවිල්ල අතිශෝක්තියෙන් තොරව ලියලා තියනවා නේද මේ ගීතය තුල. හරිම ලස්සන ගීතයක්. ඔයත් අහලා බලන්න.. චාමර විසින් ගයන ලස්සන ගීතයක්. 

~~~~~~~~~~~~~~~~~~~~~~
හිනැහෙන්නට එපා හොරෙන් 
දෙනෝදහක් අතරමැද්දේ
මට හිතේවී නිල් දෑසට එබී බලන්න
ආදරයෙන් මුළු දවසම, බලාන ඉන්න//

අර දු‍ටුවද දුර ආකාසේ මගෙ තනියට ඔබ වාගේ
මහ පොළවට ආදරයෙන් දේදුන්න පායාලා
තව ටිකකින් මැකිලා යාවී
මහ වැහි ඇල්ලක් කඩා හැලේවී
දුක හිතුනම අඬලා ඔබ යනවා වාගේ
වැලපෙන්නට එපා දුකින්
කවුරු ඇතත් ඔය ඇස් ළඟ
හිත කියාවී හිතේ දුකින් හඬා වැටෙන්න
ආදරයෙන් රතු දෙකොපුල්, පිසලා ලන්න//

අර බලන්න අර ආකාසේ පුර සඳවත හිනැහෙනවා
කිරි උතුරා ආදරයෙන් ඔබ ආදර මුහුණ වගේ
තව මොහොතින් මුදුනට ඒවී
කළු වලාකුලක සැඟවී යාවී
හිත ළඟ හිඳ වැලපී ඔබ යනවා වාගේ
ලැජ්ජා වෙන්න එපා ඉතින්
අපි විතරයි කවුරුත් නැහැ
දැන් හිතේවී ආදරයෙන් ඔබ සිපගන්න
ආදරයෙන් පිරි දෙ අදර, උණුසුම දෙන්න//

~~~~~~~~~~~~~~~~~~~~~~
**ගායනය :- චාමර වීරසිංහ.**
**සංගීතය :- රෝහණ වීරසිංහ.**
**පද රචනය - සරත් ශාන්ත ජයගොඩ.**
**රූප නිර්මාණය :- කසුන් නවරත්න.**

~_______________________________~
ලස්සනම ලස්සන ගීතවල පදවැල් ලබාගැනීම සඳහා අප හා එකතු වන්න..
ඔබට අවශ්‍ය ගීත අපට කියන්න...

www.facebook.com/kasun.images Like this page...!!

sinhalasonglyicskasun.blogspot.com log this blog site

~_______________________________~

Pera Sansare. පෙර සංසාරේ.

ආදරය වේදනාවක් කියලා හිතාගෙන ඉද්දි, තනිකම දුකක් කියලා හිතාගෙන ඉද්දි.ජීවිතයට ආව ඔයා මගේ මුළු ලෝකෙම වෙනස් කලා. හැමදාම මට ආදරෙන් ඉන්න මේ වගේම හෙටත්ඔයා ඉන්න හැම හීනෙම මං සතුටින් ඉන්නවා.. ඒ ආදරේ හැමදාටම මගේම වෙන්න. මං ඔයාට ආදරෙයි. චාමර වීරසිංහ විසින් ගයන මේ ගීතය ඇත්තටම ලස්සන ගීතයක්. අපිට මේ සිංදුව තේරැවේ මං නැමතිම ගීත දහය වෙනුවෙන් තරිදු විශ්වජිත්. මහු මේ ගීතයට කැමතියි කියලා කිව්වේ ඔහුගේ පෙම්වතිය මේ ගීතයට ගොඩාක් කැමති නිසාලු. මේ තරිදු දෙවෙනියට කැමති ගීතය..

~~~~~~~~~~~~~~~~~~~~~

පෙර සංසාරේ පැතුමක්දෝ ඔබ
මේ සංසාරේ හමු වූයේ
කොහි සිට මේ ලෙස ආවාදේ ඔබ
තනිකම මා සිත දවන වෙලේ....//

සිතුවිල්ලක් වී සැරිසරණු එපා
හදවත ගැස්සෙයි උදේ හවා
සෙවනැල්ලක් වී ඔබ පෙනෙනු එපා
නෙත නිදි නොලබයි රැයම පුරා....//
පෙර සංසාරේ...

දේදුන්නක් සේ නෙත පිනවනවා
වැහිබර අහසට මුවා වෙලා
පවනැල්ලක් වී ඔබ දැවටෙනවා
සිත් මල පෙති මත පිනි ඉසලා....//
පෙර සංසාරේ...

~~~~~~~~~~~~~~~~~~~~~

**ගායනය :- චාමර වීරසිංහ.**

**පද රචනය :- අයෝධ්‍ය ප්‍රනානදු.**

**සංගීතය :- රොෂාන් ප්‍රනානදු.**

**රූප නිර්මාණය :- කසුන් නවරත්න.**

**ඉල්ලීම :- තරිදු විශ්වජිත්.**

~_______________________________~
ලස්සනම ලස්සන ගීතවල පදවැල් ලබාගැනීම සඳහා අප හා එකතු වන්න..
ඔබට අවශ්‍ය ගීත අපට කියන්න...

www.facebook.com/kasun.images Like this page...!!

sinhalasonglyicskasun.blogspot.com log this blog site

~_______________________________~

අළුත් වැඩක්

මුහුණු පොත ඔස්සේ ලංකාවේ ප්‍රසිද්ධ ගීතවල පදවැල් ඔබ වෙත ගෙන ආ සිංහල ගී පදවැල් පිටුව තවත් අළුත් වෙමින් ඔබ වෙතට බ්ලොග් පිටුවක් තුලින් අද සිට

එකතු වෙන්න අප සමගින්

බ්ලොග් පිටුව :-  sinhalasonglyicskasun.blogspot.com

මුහුණුපොත :- www.facebook.com/kasun.images

Mal Pele Pahana. මල් පැලේ පහන.

කොච්චර ආදරය කරන දෙයක් වුවද කවදා හෝ අතැර යන්නට වෙනවා. ආදරයෙන් හදන දුව දවසක මාපියන් හැර ගෙදරින් පිටවෙන්නේ කැදැල්ලෙන් නික්මෙන කිරිල්ලියක මෙන්.. දුකින් වුවද තවත් ලෝකයක් සොයාගෙන. ඉතින් ඇත්තටම ඉස්සර ඉඳලම අයියගේ සහ නංගිගේ සහෝදර ආලය ගැන අපි හොඳ හැටි අහලා තියෙනවා. ඉතින් මේ ගීතයත් අයියා කෙනෙක් තම නංගිට ලියලා තියෙන්නෙ. මට ඒ ගීතයට රූපය සකසන්නට චාමරම රඟපෑ වීඩියෝවක දර්ශන කිහිපයක් හම්බුනා. 

~~~~~~~~~~~~~~~~~~~~~~~~~~~
මල් පැලේ පහන නිවිලා යයි
නුඹ ගිය දවසට ඉගිල්ලිලා
මගෙ පුංචි නංගියේ යන්න ගියා ඉතින්
කෝම කියන්නද මං පුංචි කිරිල්ලියේ

ජීවිතයේ මහගිරිදඹ හෙට නගින්ට වේවී
ආදරයේ අත්වැල් පොට හෙම බිඳිලා යාවී
මල් බිසව් වගේ....
මල් බිසව් වගේ පරිස්සමෙන් ඉඳපන් නංගෝ
ඊයම් වාගේ හරිම බරයි පවුල් ජීවිතේ

මල් පැලේ පහන...

මේ භවයේ නුඹ පතාන ආ සෙනෙහස බිඳලා
සංසාරේ මං පව් පුරවා ගන්නද කෙලෙසා
රන් රස වාගේ...
රන් රස වාගේ ආදරයෙන් ඉඳපන් පේවී
වැරදුණ දාකදි ඉතින් වරෙන් කඩුල්ල හැරලා

මල් පැලේ පහන...

~~~~~~~~~~~~~~~~~~~~~~~~~~~
**ගායනය :- චාමර වීරසිංහ.**
**පද රචනය :- සරත් ශාන්ත ජයගොඩ.**
**සංගීතය :- දර්ශන වික්‍රමතුංග.**
**රූප නිර්මාණය :- කසුන් නවරත්න.**

~_______________________________~
ලස්සනම ලස්සන ගීතවල පදවැල් ලබාගැනීම සඳහා අප හා එකතු වන්න..
ඔබට අවශ්‍ය ගීත අපට කියන්න...www.facebook.com/kasun.images Like this page...!!
~_______________________________~

Kalakaruweku gena 01 කලාකරුවෙකු ගැන 01

කලාකරුවෙකු ගැන විශේශාංගය තුලින් අද ගෙනෙන්නේ ලංකාවේ ගායන ක්ශේත්‍රය තුල ප්‍රවීන ගායකයකු මෙන්ම ඉතාමත් ජනප්‍රිය ගීතයක් ගැන. බලමු එහෙනම් ඒ ගීතය ගැන සහ ඒ ගායකයා ගැන....

ඔහු වෘර්තියෙන් නිතීඥඥයෙක්. ඔහුට පසුදින මහනුවර උසාවියේ නඩුවක් තිබූ නිසා, ඔහුපෙර දින සවස තම මිතුරෙකු සමඟ දළඳා මාලිගාවට ගියේ ආශිර්වාද ලබා ගන්නට. එසේ යන අතර තුර මාලිගාවේ පඩිපෙල නඟින විට. පසෙකින් සුදු සාරියකින් හැඩවුනු සූරූපි කතක් නෙළුම් මල් මිටක් දෝතට ගෙන මාලිගාවට පිවිසුනා. එය දු‍ටු ඔහුගේ මිතුරා ඔහුට කීවේ ඇය නගර සෝබනියක් යන්නයි. ඒ මොහොතේ සිතට නැඟුනු සිතුවිල්ල රන්බණ්ඩා මහතා අකුරු කරන්නට වුනා. පසු කලෙක එය කේමදාස මාස්ටර් වෙත භාරදුන් මොහොතක එතුමා එය නිර්මාණය අරන්නට භාරගත්තා. පදපෙලේ මුලට ලඳුනේ... ලඳුනේ... යන වචනය පද පෙලේ මැද සිට මුලට ගෙනවිත් ගීතය අලංකාර කල මාස්ටර් එයට සරිලන කටහඬක් ‍තෝරා එක් ගායකයෙකුට ආරාදනා කලා ඒ ගීත ගයන්නට. මාස්ටර් තම වාදක මඩුල්ලත් සමඟින් පටිගත කිරීමට සිතූ වේලාව වෙන තුරු බලා සිටියා. ඒ නිර්නාමික ගායකයා වෙලාවට පැමිණියේ නැහැ. ඉතින් මාස්ටර්ට හොඳටම කේන්ති ගියා. එතුමා වෙලාවට වැඩ කරන කෙනෙක් විදියට එතුමා එයට බොහෝ සෙයින් කෝප වුනා. එවකට ඔහුගේ වාදක මඩුල්ලේ වයලීනය වාදනය කල අමරසිරි පීරිස් මහතා දෙසට හැරුනු මාස්ටර්. ඔහුට එය ගායනා කරන්නට කිව්වා. ඉතින් අමරසිරි එම ගීතය ගායනා කලා. ඒ තමා ප්‍රවීන ගායන ශිල්පී අමරසිරි පීරිස් මහතා ගායන ක්ශේත්‍රයට පැමිණි විදිය. ඒ ඔහු ගයන ලද ප්‍රථම ගීතය. බොහෝදෙනෙක් හිත් බැඳගත්, කොහේ හෝ මේ ගීතය ඇසෙන විට දෙසවන් යොමා අසා සිටින්නට බොහෝ දෙනෙක් ප්‍රිය කරන ගීතයක්.

~~~~~~~~~~~~~~~~~~~~~~
ලඳුනේ.... ලඳුනේ...
ඔබේ දෑස දැකගත්තෙමි
සැඳෑ කලෙක ලඳුනේ....
ලඳුනේ....
දෙනෝදහක් අත ගත්තද
සැමියෙකු නැති ලඳුනේ...
නෑයොත් නෑකම නොකියන
වීදි සරන ලඳුනේ... ලඳුනේ...
තෙල් මල් ගෙන දෝත පුරා
මුණි කුටියට පිය මංවන
ඔබේ දෑස දැක ගත්තෙමි
සැඳෑ කලෙක ලඳුනේ....
ලඳුනේ...

බුදුන් දැක නිවන් දකිමැයි
දෙවුරම යන පාර අහන
ඔබද පටාචාරාවකී.. ඔබද කිසා ගෝතමියකි...
පීමින්ගේ පාප කඳට දෝස විඳින ලඳුනේ...
අඳුරේ පව් කරන දනා එළියෙ රවන ලඳුනේ
ලැම පමණක් ලොවට පෙනෙන
ළය නොපෙනෙන ලඳුනේ...
කුහුඹුවකුට වරදක් නැති වැරදිකාර ලඳුනේ...

~~~~~~~~~~~~~~~~~~~~~~
**ගායනය :- අමරසිරි පීරිස්.**
**පද රචනය :- රන්බණ්ඩා සෙනෙවිරත්න.**
**සංගීතය :- ප්‍රේමසිරි කේමදාස.**
**රූප නිර්මාණය :- කසුන් නවරත්න.**

~_______________________________~
ලස්සනම ලස්සන ගීතවල පදවැල් ලබාගැනීම සඳහා අප හා එකතු වන්න..
ඔබට අවශ්‍ය ගීත අපට කියන්න...
www.facebook.com/kasun.images Like this page...!!
~_______________________________~

Dewena Duka Me දැවෙනා දුක මේ

ආදරයේ නියම වටිනාකම දැනෙන්නේ ඒ ආදරය අහිමි වූ දවසටයි. කොහොම වුනත් ‍රැවටීම ආදරය තුල දැන් බහුලයි. ආදරේ මනින්නේ සල්ලි වලින්නම් එතන ආදරයක් තියෙනවද කියන වග ඇත්තටම ප්‍රශ්නයක්.කොච්චර ආදරෙන් හිටියත් දිනෙක් අඟහිඟ කම් මත හිතක් වෙනස් වෙනවනම් ඒක ආදරය නොවේ. ඉතින් මේ කියන්නෙත් ඒ විදියට ආදරයෙන් පැරදුනු තරුණයෙකු ගැන. ඔහු කියනවා ඇයට ඔහුගේ දුප්පත්කම හමුවේ ඔහුව හැර ගියද ඇයට සතුටින් ජීවත් වෙන්නට කියලා.. ලස්සන සින්දුවක්. 

~~~~~~~~~~~~~~~~~~~~~~~
දැවෙනා දුක මේ වාවනු බෑ
කඳුලැල් දෙනෙතේ බාරගන්නෙ නෑ
මා තරම්... කවුරුවත්... ඔබටනම්
ආදරේ කරන්නෑ...
දැවෙනා දුක මේ...

තනියෙන් ගෙවෙනා තත්පරෙත් අපේ
මටනම් දැනුනේ කල්පයක් වගේ
නැතිකම් දෙනෙතින් දකිනකම් මගේ
ඔබමයි උන්නේ දැවටිලා හදේ..
අපෙ පෙම් කතන්දරේ අද නතර වී ගියේ
දුප්පත් කමටයි මගේ....
දැවෙනා දුක මේ...

දෙනුවන් පියෙනා කාලයට මගේ
වැඩිකල් නැති බැව් හ්ත කියයි ඔහේ
නැතිමුත් වටිනා මුතු මැණික් අතේ
තවමත් ඔබටයි ආදරේ කලේ..
සැනසුම අරන් මගේ මට වැඩි කලක් ලොවේ
නිඳුකින් ඉනු පණ මගේ...
දැවෙනා දුක මේ...

~~~~~~~~~~~~~~~~~~~~~~~
**ගායනය :- නදීර නොනිස්.**
**රූප නිර්මාණය :- කසුන් නවරත්න.**

~_______________________________~
ලස්සනම ලස්සන ගීතවල පදවැල් ලබාගැනීම සඳහා අප හා එකතු වන්න..
ඔබට අවශ්‍ය ගීත අපට කියන්න...
www.facebook.com/kasun.images Like this page...!!
~_______________________________~

Weekend Special 2015/05/16-17

ජීවිතය කොපමන පුදුමාකාරද...?? ඊයේ ඉපදුණු කුඩා බිලිඳා හෙට දිනෙක මහළු වී මියදෙනවා. ආදරය ඒ කාලය තුල එම මිනිසාට ජීවත් වෙන්නට අත්වැලක් වෙනවා. කෙමෙන් කෙමෙන් වයසට ගියද ශක්තිය අඩුවී ගියද ආදරයෙන් වෙලුනු දෙදෙනෙකුගේ ආදරය සදා අමරණීයයි. මේ ආදරයත් එහෙම ආදරයක්. එදා ඇවිද ගිය කොලොම්තොටද, එදා අම්බරේ පෑයූ සඳද,, මහලු වී නැත. එහෙත් මේ පෙම් යුවල ගතින් වහැරී මහලු වී ඇත. නමුත් ඔවුන්ගේද සිතෙහි හටගත් ආලය තවමත් මහළු වී නැත.. මේ සති අග සුපිරි ගීතය. බලන්න. අමරදේව මාස්ටර් ගයන ලස්සන ගීතයක් ‍තෝරගත්තා සතිඅග ගීතය වෙනුවෙන්..

~~~~~~~~~~~~~~~~~~~~
කොලොම්තොට නැත මහළු වී
අවන්හල නැත පැරණි වී
එදා හඳමයි අදත් යෞවනයේ
එහෙත අප දෙන්නා...
බලන් කැඩපත සොඳුරියේ...

පෙරුම් පුරමින් හමුවෙලා
උනුන් රහසින් බැන්ද ආදර පෙම්
බලන් කැඩපත සොඳුරියේ
පාට වත්සුනු දෙකොපුලෙන් පිසදා

කොලොම්තොට...

කුඹ ගසක් උඩ නැවතිලා
සිනා තලමින් සඳේ අයි සරඳම්
බලන් කැඩපත සොඳුරියේ
කුමන අරුමද නරකෙසත් පැහිලා...

කොලොම්තොට...

~~~~~~~~~~~~~~~~~~~~
**ගායනය :- W.D අමරදේව.**
**රූප නිර්මාණය :- කසුන් නවරත්න.**

~_______________________________~
ලස්සනම ලස්සන ගීතවල පදවැල් ලබාගැනීම සඳහා අප හා එකතු වන්න..
ඔබට අවශ්‍ය ගීත අපට කියන්න...
www.facebook.com/kasun.images Like this page...!!
~_______________________________~